ТРАГЕДИЈА ВО РУСИЈА: Избил пожар во дом за стари лица, има и жртви

Единаесет лица загинаа во пожар што избувна во раните утрински часови денеска во дом за стари лица во руската република Башкортостан, југозападно од Урал, соопшти Министерството за вонредни ситуации.

Прес-службата на руското Министерство за вонредни ситуации соопшти дека пожарот избувнал во 00:53 часот по локално време во приватен дом за стари лица.

Единаесет тела биле пронајдени на местото на несреќата, додека четири лица успеале да ја напуштат зградата, пренесува ТАС С.

Пожарот е изгаснат во 04:00 часот по локално време.

Невнимателно ракување со оган е причина за пожарот, како што покажуваат прелиминарните податоци, а истрагата за несреќата е во тек, соопшти прес-службата на Министерството за вонредни ситуации.