Сите одлуки за полициско обезбедување и користење службени возила на МВР доаѓаат исклучиво по наредба на министерот но не и по усна наредба на началникот на шестата управа, тврди поранешниот министер Павле Трајанов за 24 Вести.  Тој посочи дека сите набројани личности кои користеле полициско обезбедување е неоправдано и е класична злоупотреба на државните ресурси.

Трајанов посочи дека кога тој раководел со министерството немало пример да се обезбедува генерален секретар на влада па уште помалку генерален секреатар на партија.

Злоупотребите со полициско обезбедување и возила ги обелодени министерот за внатрешни Оливер Спасовски. Меѓу оние кои користеле бенефиции се генералниот секретар на владата Кирил Божиновски, генералниот секретар на ВМРО-ДПМНЕ, Емил Димитриев, шефот на кабинет на претседателот на владата Мартин Протуѓер, пратеникот Амди Бајрам и Јохан Тарчуловски. На сите нив од први декември им е скратена оваа бенифиција а Спасовски дополнително ќе истражува кој и како одобрил полициско обезбедување и службени возила за нив.

Измешани ингеренции и неправилности во начинот на обезбедување настани и личности обелодени и опозицијата во таканаречените бомби за случајот со убиството на Мартин Нешковски.

Според законската регулатива право на полициско обезбедување имаат Претседателот на државата, претседателот на собранието, премиерот, министерите за внатрешни, надворешни и одбрана, како и директорите на УБК и бирото за јавна безбедност. По претходна безбедносна проценка може да се обезбеди полициско обезбедување и за минстрите за правда, финансии, јавниот обвинител и претседателот на Уставниот суд.