Американскиот претседател Доналд Трамп штотуку објави дека ги суспендира царините на 90 дена за сите, освен за Кина.
За Кина ги зголеми царините од 104 на 125 отсто, откако Кина, како одговор на царините на Трамп, воведе нова царина од 84 отсто за американските производи.
„Врз основа на недостатокот на кинеска почит кон светските пазари, со ова ја зголемувам царината што Соединетите Американски Држави и ја наплаќаат на Кина на 125%, што стапува на сила веднаш. Се надевам дека во одреден момент, Кина ќе сфати дека деновите на искористување на предностите од САД и другите земји се завршени и дека тоа повеќе не е одржливо или прифатливо.
Од друга страна, и врз основа на фактот дека повеќе од 75 земји ги поканија претставниците на Соединетите Држави, вклучително и Министерството за трговија, Министерството за финансии и Канцеларијата на трговскиот претставник на САД, да преговараат за решение на темите што се разгледуваат поврзани со трговијата, трговските бариери, тарифите, валутите, и не-монетарните царини, кои не ги предлагаат одмазднички мерки против Соединетите Држави, одобрив 90-дневна пауза и значително помала реципрочна давачка од 10 проценти во овој период, која исто така стапува на сила веднаш. Ви благодариме за вниманието по ова прашање“, објави Трамп.