Доналд Трамп побара повторно да се пребројат гласовите во округот Милвоки, најголемиот округ во сојузната држава Висконсин, каде загуби со 20.000 гласови од Џо Бајден. Пребројувањето заврши вчера и само ја потврди победата на Бајден.
Пребројувањето ќе ја чини неговата кампања 3 милиони долари. Трамп продолжува да одбива да го признае изборниот пораз, иако не дава конкретни докази за измама, за кои тврди дека се од големи размери, а кои според него го свртеле конечниот резултат на изборите.
По пребројувањето, Бајден оствари нето добивка од 132 гласа, од скоро 460.000 гласови. Вкупно, Бајден доби 257 гласа, а Трамп 125.
На национално ниво, Трамп доби 232 гласачи, а Бајден 306 и 5,8 милиони повеќе американски гласови. За победа е потребно да се освојат 270 изборни гласови на сојузните држави, па Трамп мора да ги промени резултатите во најмалку три големи држави, што досега не е забележано.