252
Поранешниот американски претседател Доналд Трамп ја одби неговата последна шанса да сведочи на граѓанско судење во кое писателката Е.Џин Керол го обвинува дека ја силувал во гардероба во стоковна куќа во 1996 година.
На Трамп, републиканскиот кандидат за претседател во 2024 година, американскиот окружен судија Луис Каплан му даде рок до недела во 17:00 часот по локално време да поднесе барање за сведочење, но тој не го стори тоа.
Тоа не е изненадување, бидејќи Трамп не се појави ниту еднаш за време на двонеделното судење во Њујорк, каде што неколку дена сведочеше писателката.
Таа бара компензација и отштета во вкупна вредност од неколку милиони долари.