77
Федерален судија и нареди на администрацијата на американскиот претседател Доналд Трамп да ослободи милијарди долари блокирана странска помош во рок од два дена.
Тужбата беше поднесена од непрофитни организации поради суспензијата на странската помош преку Американската агенција за меѓународен развој (УСАИД) и Стејт департментот, што следеше по извршната наредба на Трамп од 20 јануари насочена кон помошта за која рече дека е „расипничко“ и неконзистентно со неговите надворешнополитички цели, објави АП.
Непрофитните организации и бизнисите кои добиваат федерални пари за да работат во странство тврдат дека замрзнувањето го прекршило законот и го стопирало финансирањето дури и за најитните програми, кои спасуваат животи, во странство.