Американскиот претседател Доналд Трамп изјави дека бројот на демонстранти во Вашингтон во саботата бил помал од очекуваниот, благодарение на работата на американската национална гарда, тајната служба и полицијата.
„Толпата во Вашингтон беше многу помала од очекуваната“, напиша американскиот лидер на Твитер. „Националната гарда, Тајната служба и полицијата во Вашингтон прават неверојатна работа. Благодарам!“
Масовни протести и немири избувнаа во многу американски држави по смртта во Минеаполис на Афроамериканецот Џорџ Флојд, кој почина при апсење на 25 мај. Сите четворица полицајци вклучени во неговиот притвор беа отпуштени и обвинети.
Властите воведоа полициски час во околу 40 градови во Соединетите држави, вклучувајќи ги Вашингтон и Њујорк.
Во Лос Анџелес и на многу места во државата Калифорнија, оваа мерка веќе е укината.