Треба да се организираат избори на северот без можност за бојкот, вели Курти

Косовскиот премиер Албин Курти изјави дека одржувањето на вонредни избори во четири општини со српско мнозинство на северот е единствениот начин за промена на локалната власт.

Курти рече дека се согласува со барањето на меѓународната заедница за одржување нови избори, но истакна дека прво мора да се обезбеди фер и слободна кампања „без закани и повторени бојкоти со слаба излезност“.

Србите ги бојкотираа последните избори на северот на Косово и не ги признаваат резултатите, односно новите градоначалници кои доаѓаат од албанската заедница.