Тренерот на Ајакс, Ерик тен Хаг, го сподели своето мислење за скандалот со спортскиот директор Марк Овермарс, кој минатата недела ја напушти директорската позиција во холандскиот гигант една недела откако беше обвинет дека испраќал непримерни пораки до своите колешки.
Поранешниот крилен напаѓач на Арсенал стекна репутација на исклучително импресивен оператор на најголемиот холандски клуб.
Сепак, неговото ненадејно заминување беше официјално потврдено од Ајакс во неделата вечерта, откако беше одлучено дека неговото однесување ги надминало прифатливите граници.
Овермарс потоа јавно се извини за неговата улога во сагата откако генералниот директор на клубот Едвин ван дер Сар вети дека ќе обезбеди безбедна работна клима во иднина.
Тен Хаг рече дека бил шокиран како сите други кога дознал за недоличното однесување на Овермарс.
„Добро сум, но знам што миските“, изјави тој за ESPN на прашањето како се чувствува по веста.
„Имавме неверојатно лоши денови, се разбира. Бев целосно запрепастен кога го слушнав тоа. Ова е катастрофално, особено за жртвите, жените“, рече Тен Хаг.
Тој истакна дека не му е лесно.
„Едвај го поднесувам страдањето што им е нанесено. Секој го процесуира на свој начин. Јас повлекувам малку и сум потивок од вообичаено“, рече тој.
Тренерот истакна дека му било тешко да остане позитивен.
„Како тренер природно треба да зрачите со позитивна енергија, но тоа беше тешко во последните неколку дена“.
Тен Хаг беше во блиски односи со Овермарс за време на неговиот престој во Ајакс.
Фото: Beeld ANP