Тејлор Свифт (34) ја имаше најуспешната година во кариерата досега. Таа ги распродаде арените ширум светот за време на нејзината турнеја „Ерас“, нејзиниот концертен филм заработи 250 милиони долари од продажба на билети, а беше рангирана како најпопуларна уметница на Spotify во 2023 година. Но, се чини дека одлично се снаоѓа и на љубовен план.
Нејзиниот партнер, американскиот фудбалер Тревис Келце (34) планира наскоро да ја запроси пејачката, пишува Page Six. Тревис, наводно, веќе побарал дозвола од нејзиниот татко за нејзината рака.
– Тој побара од него благослов, а тој му го даде со сето свое срце. Тревис разговараше со пријателите за прстенот – открива извор близок до парот кој тврди дека нејзиниот однос со фудбалерот е поинаков од претходните.
Навистина, парот не се двоуми јавно да ја изрази својата љубов еден кон друг, што не беше случај со нејзините минати партнери.
– Тејлор е заљубена. Таа не била со некој кој е возбуден и горд што е со неа долго време. Навикната е да се крие кога е во врска. Сега конечно е со некој што не е таков. Таа е воодушевена што не мора да се крие со него – објаснува изворот.
Самата Тејлор во интервју за „Тајм“ проговори за врската со американскиот фудбалер.
– Луѓето не гледаат и не ни е грижа. Спротивно на тоа е што треба да се трудите многу за никој да не дознае дека се гледате со некого. Едноставно сме горди еден на друг – изјавила таа за американскиот магазин.