Полицијата во Брисел била контактирана откако Европската комисија примила две пораки за експлозии на руски јазик. Во мејлот се наведува дека експлозиите ќе се случат денеска, пишува „Брисел тајмс“.
„Брисел тајмс“ пишува дека на социјалните мрежи кружат непроверени извештаи за потенцијален терористички напад на линиите 2 и 6 на бриселското метро во среда. И додека Националниот кризен центар на Белгија посочи дека заканата довела до дополнителна будност, тие наведоа дека „различни неубедливи елементи покажуваат дека нападот е малку веројатен“.
Belgium's National Crisis Centre indicated to The Brussels Times that "various implausible elements show that an attack is unlikely." https://t.co/ycswCYSed2
— The Brussels Times (@BrusselsTimes) March 8, 2023
Бидејќи јавниот превоз во Брисел веќе беше во прекин поради разни штрајкови на синдикатите, јавноста веќе беше претпазлива кога станува збор за јавниот превоз. Многу патници утринава виделе извештаи на социјалните мрежи дека полицијата следи закана за бомба.
На американските граѓани во Брисел им се испраќаат пораки од американската амбасада со барање да бидат безбедни додека патуваат во среда, особено на метро линиите 2 и 6 помеѓу станиците Issère и Rogier.
Весникот „Ле Соар“ пренесува дека споменатата електронска пошта на ЕК дошла од човек кој двапати контактирал со Европската комисија, прво на 16 февруари, а потоа и на 3 март. Во својата порака тој на руски предупредил дека „во светло на континуираната агресивна политика на ЕУ, со ова ве предупредувам на големи терористички напади на територијата на ЕУ“.