Трговскиот дефицит на САД падна на 60,2 милијарди долари во јуни, најниско ниво од септември 2023 година

Трговскиот дефицит на Соединетите Американски Држави падна за 16 проценти во јуни на 60,2 милијарди долари, така што сега е најниско ниво од септември 2023 година, според денешните податоци од Министерството за трговија на САД.

Клучната причина за намалувањето на дефицитот беше остриот пад на увозот на стоки за широка потрошувачка во САД, што аналитичарите го толкуваат како последица на новата царинска политика на претседателот Доналд Трамп, објавува Ројтерс.

Според извештаите, вредноста на вкупниот американски извоз на стоки и услуги во јуни изнесуваше 277,3 милијарди долари, а увозот 337,5 милијарди долари.