Тројца членови на екипажот на Меѓународната вселенска станица (МВС) се вратија на Земјата утринава, соопшти Центарот за управување на летовите во Королов, Подмосковјето. Тоа се рускиот космонаут Фјодор Јурчихин и астронаутите од НАСА Џек Фишер и Пеги Витсон.
Тие слетаа во Казахстан со бродот “Сојуз МС-04”. За Витсон, тоа беше трет лет во вселената. Таа престојуваше 288 дена, со што постави рекорд со што вкупно помина 665 дена во орбитата – многу повеќе од кој било друг Американец.
Рускиот колега ЈУурчихин може да се пофали со уште повеќе време во орбитата – 673 дена за пет полетувања, а Американецот Фишер има зад себе 136 деноноќија во вселената. На МВС остануваат три лица – рускиот космонаут Сергеј Рјазански, американскиот астронаут Рандолф Брезник и астронаутот од Европската вселенска агенција Паоло Несполи.