„Возот на смртта“ во забавниот парк во Шарлот, Северна Каролина, веднаш беше затворен во петокот, откако посетителите забележале голема пукнатина во еден од столбовите на структурата – додека возењето сè уште траело.
Посетителот Џереми Вагнер, кој во петокот бил во посета на паркот со својата ќерка, син и внука, го снимил ужасното видео додека траело возењето. На снимката се гледа како столбот накратко се одвојува на пукнатината додека возот забрзано се спушта по пругата.
A visitor at a North Carolina amusement park spotted a large crack on a roller coaster's pillar on Friday. The ride, which was billed as one of the tallest of its kind, has now been closed as crews make repairs. https://t.co/9xqRRgXyWl pic.twitter.com/HTHculBdl9
— The New York Times (@nytimes) July 2, 2023
„Се обидував да снимам видео и рацете ми се тресеа бидејќи знаев дека ова може да заврши катастрофално!“, рече Вагнер.
Инаку, т.н Fury 325, познатиот „воз на смртта“ е една од главните атракции на овој парк. Се издига дури 90 метри и е еден од највисоките во светот. Возењето трае приближно три минути, а возот се движи со брзина од 150 километри на час.