Раководството на Министерството за внатрешни работи на Украина – министерот Денис Монастирски, неговиот заменик Евгениј Јенин и државниот секретар Јуриј Лубокович загинаа вчера во хеликоптерска несреќа во близина на градот Бровар во Киевската област.
Во хеликоптерот имало девет лица, а тие летале за Харков на истокот на Украина.
Хеликоптер на Службата за вонредни ситуации удрил во зграда на градинка. Вкупно 18 лица загинаа, меѓу кои и три деца. Во болницата има 29 повредени, од кои 15 се деца.
Транспортниот хеликоптер е од француско производство и таквите летала често ги користат нафтените работници за транспорт до морските платформи. Анализирани се три верзии на падот – пренасочување, дефект или грешка на пилотот. Хеликоптерот летал ниско, а не со голема брзина. Сепак, веќе имаше верзии дека хеликоптерот „AS 332 super puma“ бил соборен од „стингер“ или „игла“.
За тоа време на истокот на Украина и во средата се водеа жестоки борби. Руските единици заземаат село по село и се приближуваат до важниот стратешки град Артјомовск (Бахмут), кој е главен железнички и патен спој. Министерството за одбрана на Русија потврди дека руските единици го „ослободиле“ местото наречено Сол.
Од друга страна, украинската артилерија продолжува да цели на непријателските позиции. Повеќето од украинските ракети паѓаат врз главниот град Доњецк.
Претседателот на Република Доњецк Денис Пушилин вели дека нападите ќе престанат кога ќе се ослободат местата Маринка и Авдејевка. Ова покажува колку украинските единици се блиску до Доњецк. Градот Маринка е практично предградие на Доњецк, а Авдејевка е оддалечена 21 километар.
Украинските артилерици се повеќе напаѓаат објекти на територијата на Русија. Гувернерот на Белгородската област Глатков тврди дека руската воздушна одбрана вчера морала да реагира за да го одбрани местото од нападите од Украина. За среќа, вчера никој не бил повреден. Украинците ги гаѓаат пограничните области со самоубиствени дронови или ракети.
Неколку часа по смртта на шефот на украинската МВР, владата во Киев го назначи началникот на Националната полиција на Украина, Игор Клименко за заменик-министер за внатрешни работи и му ги довери должностите вршител на должноста министер за внатрешни работи.
Украинскиот премиер Денис Шмигал изјави дека Клименко официјално е назначен за заменик министер за внатрешни работи, но дека ќе ги извршува должностите на министерот.