Во врската често сакаме да веруваме дека нашиот партнер е „тој“ или „вистинскиот“. Но, понекогаш работите не се како што изгледаат.
Затоа, советничката за семејството и бракот, Тина Феј, откри три знаци кои можат да укажат дека можеби не сме со вистинската личност.
1. Не можете да замислите иднина со нив
Повеќето парови би сакале да го поминат остатокот од животот со своите партнери. Иако секој пар може да има различна цел – од брак до основање семејство или заедничко вселување, заедничката нишка е дека тие би сакале да живеат заедно со своите партнери во иднина.
„Доколку сега размислувате за вашиот партнер, дали би сакале да го поминете остатокот од животот со него? Ако вашиот одговор е негативен или ако имате многу двоумење, големи се шансите вашиот партнер да не ви одговара“, вели советникот на Hack Spirit.
2. Мора да криете одредени нивни однесувања од пријателите и семејството
Феј објаснува дека ако нашиот партнер има лоши навики или негативни особини за кои не сакаме луѓето околу нас да знаат, може да се срамиме од партнерот или од фактот дека треба да се преправаме дека се е во ред во врската.
„Обично, ако треба да го прикриете или да давате изговори за однесувањето на вашиот партнер, тоа е силен знак дека тој не го добива она што го заслужувате. Може да се најдете во ситуација кога треба да им дадете поинаква слика за вашиот партнер на луѓето, затоа што длабоко во себе имате идеја за тоа што сакате од него/ неа, а што тие го немаат во моментов“, објасни таа.
Ако е така, веројатно е дека нашиот партнер не е вистинската личност за нас.
3. Ве исцрпуваат наместо да ве енергизираат
Романтичните врски се слични на пријателствата по тоа што не мора секогаш да бидат исполнети, но не треба ни да не исцрпуваат.
„Партнерите треба да уживаат во поминувањето време со својот партнер. Меѓутоа, ако вашиот партнер или вие сакате да се оттргнете од нив и да избегнете комуникација, тоа може да биде знак дека тој партнер не ви одговара и дека врската не оди во правилната насока“, заклучи таа.