Во реонот на Абу-Камал крај Еуфрат има нафта, но не само тоа ги влече Американците, Сиријците и Курдите. Не помалку е важно дека оваа голема населба е важно и заради контролата над границата со Сирија, пишува x-true.info.
Постојат сите шанси оваа точка да биде ново невралгично место од кое од Ирак во Сирија доаѓа иранска помош и со тоа да се оствари иранскиот сон за шиитска полумесечина до Медитеранот, тврдат американски експерти.
Како што забележува израелскиот весник Arutz Shevа, ова стратешко место има контрола врз т.н. „триаголник на ѓаволот“ – територијата меѓу населбите Ресафа (блиску до Рака) и граничните места Ат–Танф и Абу-Камал. Секој од нив е важна стратешка раскрсница.
Освојувањето на клучката Ресафа (поранешниот римски Сергиополис) во јуни 2017 година на Сиријците им отвори пат кон Дејр ез-Зор, а Ат–Танф и Абу-Камал се важни транзиции кон границата со Ирак.
„Ако Иран и неговите групи ги контролираат овие три сириски градови, Иран ќе постигне стратешка цел да создаде копнен коридор од Иран во Ирак, Сирија и Либан кон Средоземното Море“ – укажува израелското издание.
Сега тие се контролирани од Американците и од Сириски демократски сили, кои држат голем дел и од источните граници на земјата, отсекувајќи го Ирак од контролираните области од страна на силите на Башар Асад.
Во Ирак на власт е шиитско раководство, лојално кон Иран и сојузник на официјален Дамаск. Освен тоа, во земјата дејствуваат проирански шиитски волонтерски единици. Од ирачка страна, токму тие го пробиваат патот кон Абу-Камал. Ирачките шиити ги делат не помалку 15 км.
Ако армијата на Башар Асад пристигне прва до Абу-Камал, ќе се создаде директен копнен мост од Иран за Сирија преку кој ќе можат да преминуваат оружје и војници.
Другиот важен премин за излез кон Иран е во реонот кон градот Ат–Танф на патот Багдад – Дамаск, кој веќе е контролиран од проамерикански формации, а крај него се наоѓа воена база на САД.
Во јули сириската армија излезе на ирачката граница во пустината северно од Ат–Танф, сепак уште тогаш експерти предупредија дека успехот релативен.
Во оваа област недостасуваат автомобилски патишта, што значително ги отежнува транспортните врски со Багдад.