Американски полицаец од Северна Каролина бил отпуштен откако бил фатен на камера како вели дека „не може да чека“ за да започне „масакр“ на црнците во граѓанска или расна војна, што според него е неизбежно.
44-годишниот полицаец Мајкл „Кевин“ Пинер во снимен разговор со колегите даде до знаење дека е убеден дека големите протести против полициското насилство и расизмот, поттикнати од убиството на полицијата на Афроамериканецот Џорџ Флојд во Минеаполис, ќе доведат до таква граѓанска војна.
„Спремен сум“
„Спремен сум“, му вели тој на друг службеник, 50-годишниот Џеси Мур.
„Едноставно ќе излеземе надвор и ќе ги заколеме оние е*ани црнци“, додаде тој. „Ќе ги избришеме од картата. Тоа ќе ги уназади околу четири или пет генерации“.
Пинер, заедно со Мур и уште еден полицаец, кој учествувал во снимените расистички разговори, Џејмс „Брајан“ Гилмор, бил отпуштен по внатрешна истрага, пренесува „Вашингтон пост“. Сите тројца се бели.
Дони Вилијамс, новиот началник на полицијата во Северна Каролина, Вилмингтон, кој е црн, ги опиша разговорите на прес-конференцијата како „брутално навредливи“.
„Говор исполнет со омраза, осврнувајќи се на Афроамериканците како црнци“
„Ова е најтешкиот и најисклучителен случај кој сум го сретнал во мојата кариера. Треба да воспоставиме нови реформи за полициското работење овде и низ целата земја“, рече Вилијамс, кој во вторникот ја презеде функцијата началник на полицијата. Тој додаде дека разговорите содржат „говор на омраза, осврнувајќи се на Афроамериканците како црнци“.
Покрај тоа што го критикуваа движењето „Црните животи се важни“, тие ја критикуваа и лесната реакција на полицијата на протестите, како и на колегите Афроамериканци и него лично. Пинер се пожалил на Гилмор, кој го паркирал својот автомобил до неговиот, дека единствената грижа на нивниот полициски оддел е да „клекнат пред црнците“.
„Ајде да видиме како неговите момци се погрижат за него кога ќе има срања, да видиме дали може да добие куршум во челото“, вели тој за еден црн колега.
„Требаше таму да добие куршум во чело“
Мур, кој се приклучи на разговорот преку телефон, исто така фантазира за убиството на црнците. „Требаше да ја пукне со куршум во чело таму и потоа да продолжи“, рече офицерот за црната жена што ја уапси тој ден.
И разговорите беа снимени и откриени – случајно. Двочасовното видео од автомобилот на Пинер е снимено со „случајно активирање“, според полицискиот извештај. Надредениот на Пинер ги прегледувал видеата на 4 јуни и наишол на ова, на кое имал што да чуе.
Интересно е што, кога Пинер му кажал на Мур дека ќе купи полуавтоматска пушка за претстојната граѓанска војна и дека „не може да чека“ да оди на „масакр“, Мур одговори: „Вие сте луди“. Снимката е прекината наскоро.
Сите тројца офицери негираа во внатрешната истрага дека се расисти. Тие се оправдаа со тврдењето дека тие само се „издувувале“ и гообвинија „стресот на денешната полициска работа“ за нивниот говор на омраза.