Јилдиз Веапоска од Дебар, медицинска сестра од итната помош, преживува вистинска голгота откако се породила во болницата во Струга со царски рез, но од операциската сала излегла без матка, бубрег и без еден јајник.
Иако постојано се жалела дека не се чувствува добро, директорот на струшката болница, докторот Мухамед Асани 3 дена по породувањето ѝ донел отпусно писмо и и рекол дека е подготвена за дома. Само што го повикала сопругот, ситуацијата и се влошила.
Семејството Веаповски се сомнева дека целиот процес на породување наместо докторот Мухамед Асани го вршел неговиот син кој му бил асистент и се сомневаат дека тука некаде настанала грешката. Ангажирале адвокат кој сега подготвува кривична пријава за директорот, а исто така бараат Лекарската комора на Македонија да му се одземе и лиценцата на директорот.
Министерството за здравство информираше дека случајот го разгледува стручна комисија.