На денешната седница на Централниот одбор на ДОМ беше потврдена поддршката за формирање нова Влада на Република Македонија, која ќе има сериозна задача за демократизација на земјата и за спроведување на реформите на Прибе во насока на професионализација на институциите.
Истовремено, ќе треба да започне и процес на намалување на поделбите помеѓу граѓаните по разни основи и да зајакне граѓанската кохезија. Централниот одбор на ДОМ оцени дека сите политички субјекти треба да се однесуваат одговорно во оваа фрагилна политичка ситуација и да придонесат за стабилизација на земјата.
ДОМ очекува новата Влада да обезбеди сериозен третман на сите области од живеењето, а посебно на темите за екологија, зелена економија, рамномерен регионален развој, човекови права и недискриминација. Впрочем, тие програмски приоритети беа поддржани од страна на СДСМ, како најголема партија во коалицијата, соопштуваат од ДОМ.