Од Министерството за здравство исто така информираа дека од Ковид-19 во изминатото деноноќие починало 41 лице. Со ова е израмнет црниот рекорд од 28 ноември, кога имаше иста бројка на смртни случаи од вирусот.
Билансот по градови изнесува 16 од Скопје (34г, 41г, 50г, 60г, 64г, 65г, 3 лица на 67г., 69г, 70г, 71г, 72г, 77г, 80г и 86г), по 5 пациенти од Прилеп (43г, 2 лица на 67г, 71г и 78г) и Велес (44г, 66г, 70г, 74г и 81г) и по 3 пациенти од Куманово (2 лица на 78г и 79г), и Неготино (60г, 74г и 79г), по еден пациент од Струга (22г), Берово (50г), Гевгелија (60г), Виница (62г), Штип (63 г), Струмица (64г), Гостивар (72г), Кочани (80г), и Дебар (85г). Од починатите лица, сите се починати во болнички услови, освен еден кој е во домашни услови.
„Вкупната бројка на КОВИД-дијагностицирани лица во нашата земја од почетокот на епидемијата изнесува 127.240, бројката на оздравени пациенти е 105.524, на починати е 3.716, а бројот на активни случаи изнесува 18.000“, стои во соопштението на МЗ.