Новиот менаџер на Англија, Томас Тухел, изјави дека е многу возбуден што ќе води таква „специјална и талентирана група играчи“.
Во средата, Фудбалскиот сојуз на земјата го објави назначувањето на 51-годишниот Германец, кој пред само три години со Челси ја освои Лигата на шампионите.
„Многу сум горд што ми се укажа можноста да ја водам репрезентацијата на Англија. Одамна чувствувам дека имам посебна врска со фудбалот во оваа земја, кој веќе ми даде неколку незаборавни моменти. Да се има шанса да ја водам Англија е огромна. Привилегијата и можноста да работам со оваа посебна и талентирана група играчи ме прави многу возбуден“, изјави Тухел за веб-страницата на Фудбалската асоцијација.
Во новата улога ќе му помага долгогодишниот асистент – Англичанецот Ентони Бери.
„Работејќи со Ентони како мој асистент, можам да ги уверам навивачите дека ќе направиме се што можеме за да ја направиме Англија успешна и поддржувачите горди. Исто така, сакам да се заблагодарам на Фудбалската асоцијација за нивната верба во мене. Едвај чекам да го започнам нашето заедничко патување“, истакна и Тухел.
Стручњакот ќе ја започне својата работа во репрезентацијата на Англија од јануари 2025 година.