Турското Министерство за одбрана денеска соопшти дека почнало со распоредување специјални сили на Косово.
„По настаните во Косово, командоскиот баталјон на 65-та механизирана пешадиска бригада е распореден на Косово“, објави турското министерство на Твитер.
Веста доаѓа еден ден откако беше објавено дека Турција на барање на НАТО ќе испрати специјалци на Косово кои ќе бидат стационирани во касарната во Призрен.
Се додава дека станува збор за членови на баталјонот командоси од 65-та механизирана пешадиска бригада од Киркларели, која претходно беше распоредена како дел од КФОР.
Kosova’da meydana gelen olaylar sonrası bölgede görevlendirilen 65’inci Mekanize Piyade Tugay Komutanlığımıza (Lüleburgaz) bağlı komando taburu, Kosova’ya intikale başladı.#MillîSavunmaBakanlığı pic.twitter.com/uuCyGs7eV0
— T.C. Millî Savunma Bakanlığı (@tcsavunma) June 4, 2023
Како одговор на барањето добиено од Здружениот штаб на НАТО во Неапол, поради настаните на северот на Косово, „се планира испраќање турски сили во касарната „Султан Мурат“ на Косово на 4 и 5 јуни“, наведе турското Министерство за одбрана.