На туристка, којa се искачи на покривот на централните термални бањи во урнатините на античкиот град Помпеја, и се заканува парична казна од 3.000 евра и затвор, пишува „Анса“.
Жена, чии лични податоци не беа откриени, се искачи на покривот на бањата за да направи селфи, а во меѓувреме беше фотографирана од друг турист и објавена на социјалните мрежи, што предизвика бројни реакции и протести.
Истрага е покрената, жената е идентификувана, а сега останува да се утврди чиј е пропустот, што им овозможил на луѓето да се искачат на покривот на структурата од две илјади години.
Според правилата на градот Музејот Помпеја, на лицата не им е дозволено да се качуваат, да се потпираат или да седат на остатоците од куќи, sидови или какви било градби, ниту пак од нив е дозволено да земат камче.
Овие правила важат за сите музеи и археолошки паркови во Италија.
Да потсетиме, на почетокот на август, австриски турист, за да земе селфи, седна на оригиналната гипсена скулптура од Антонио Канова и ги скрши прстите на скулптурата.
Безбедносните камери снимија австриски турист, кој брзо избегал од местото на настанот. Потоа признал за злосторството и се согласил да плати отштета.