Турска провинција цел на напад од правец на Сирија

Турското Министерство за одбрана објави дека турската провинција Килис била цел на напад од Сирија.

„Ракетите истрелани од правец на Сирија паднаа во пустината, провинцијата Килис. Никој не е повреден, ниту е причинета материјална штета. Руската Федерација беше известена за оганот да биде запрен. На позициите, од кои дошол нападот, веднаш било возвратено. Нашите воени сили лоцирани во регионот се предупредени за инцидентот. Го следиме развојот на настаните“, се наведува во соопштението на турската армија на Твитер.

Во понеделникот, Турција објави дека Сирија извршила ракетен напад врз две населени места во северниот дел на провинцијата Алепо, која ја контролира Анкара.