Турски авион слета принудно со запален мотор

Авион на турската авиокомпанија “Turkish Airlines” кој патувал од Истанбул за Милано се приземјил принудно на аеродромот во Истанбул, поради палење на десниот мотор, јави телевизија NTV.

Приземјувањето е успешно.

Авионот А320 полетал од меѓународниот аеродром “Ататурк” во саботата наутро. По неколку минути се запали десниот мотор. Пилотот побарал дозвола да се врати и извршил успешно принудно слетување, иако за време на приземјувањето оштетениот мотор ги допрел тротоарите на патеката и предизвикал искри.