Турски државјанин почина по пад при работа на објект во изградба во Центар

Турски државјанин почина откако работејќи на изградба на објект се здобил со телесни повреди.

Работникот Ф.А. (34) од Република Турција, со привремен престој во Скопје, вчера бил пренесен во Комплексот клиники „Мајка Тереза“ за укажување лекарска помош.

Од МВР соопштуваат дека настанот бил пријавен вчера во 18:40 часот.

-Увид извршила екипа од СВР Скопје, а по наредба на Јавен обвинител телото на починатиот било дадено на обдукција, информираат од Министерството.