Уапсен Холанѓанец во Охрид – кршел амбулантно возило

Охридската полиција синоќа привела 31-годишен холандски државјанин поради агресивно однесување.

-На 05.06.2024 во 21.45 часот во охридското село Пештани, полициски службеници од СВР Охрид – полициска канцеларија Пештани, од слобода го лишија В.Р.Ј.(31) од Холандија.

Тој, агресивно се однесувал кон медицински лица од Итната медицинска помош од Охрид и оштетил дел од опремата на амбулантното возило, по што се обидел физички да нападне полициски службеник кој преземал службени дејствија, информираат од СВР Охрид.