Не е невообичаено чешката полиција да апси дезертери од земји кои веќе формално не постојат. Еве што му се случи на Германец кој побегна од ГДР преку Чехословачка во Западна Германија пред 41 година.
Така на Германецот му „преседнал“ семејниот одмор во Чешка откако полицијата му пришла за време на појадокот во хотелот и го уапсила.
Чесите го привеле затоа што во нивните бази на податоци имаа информации дека тој побегнал од ГДР во Западна Германија во 1984 година преку тогашна Чехословачка.
Портпаролката на полицијата тврди дека постапиле согласно законот, но не навлегувала во детали за случајот. Сепак, таа додаде дека судот одлучува дали ќе ја поништи одлуката за депортација. Имено, Германецот бил вклучен во листата на непожелни лица од судот во Чешке Будјовице, но по обединувањето на Германија и распадот на Чехословачка оваа информација не била избришана, пренесе Fenix-magazin.de, повикувајќи се на чешки медиуми.
Според адвокатот Лубомир Милер, ваквите случаи не се невообичаени бидејќи странците често се запоставуваат во процесот на рехабилитација на жртвите на социјалистичката правда. Причината за тоа е фактот што некои граѓани на ГДР извршиле други злосторства во Чехословачка при нивното бегство.
Но, германскиот турист беше ослободен бидејќи неовластеното напуштање на ГДР беше декриминализирано во 1990 година.