Жител на Мајорка бил уапсен бидејќи заразил 22 лица со коронавирус, затоа што заразеното лице продолжило да оди на работа и во теретана, објави локалната полиција во Шпанија.
Полицијата започна истрага кон крајот на јануари по зголемувањето на бројот на лица заразени со коронавирус во градот Манакор и информациите дека еден заразен работник ја крие својата болест.
Неколку дена по откривањето на епидемијата на коронавирус, работникот, чие име не беше соопштено, почна да има симптоми на коронавирус, што предизвика загриженост кај колегите на работа, кои го советуваа да се врати дома и да се тестира.
Работникот се врати на работа следниот ден и ја посети салата. На работа, неговиот претпоставен инсистирал да се врати дома затоа што постои ризик од заразување на колегите. Колегите подоцна и рекле на полицијата дека видливо имал знаци на треска.
Заразениот човек ги игнорирал повиците на своите колеги и продолжил да работи следниот ден, шетал насекаде и намерно ја симнувал маската додека кашлал. Во еден момент тој рекол дека сака да ги зарази сите околу него, соопшти полицијата.
Потоа биле тестирани загрижени колеги и се покажало дека биле заразени пет работници, а тие заразиле членови на семејството, вклучувајќи и три бебиња.
Мажот заразил и некои луѓе во теретана, кои подоцна го пренеле вирусот на нивните најблиски. Полицијата соопшти дека заразеното лице заразило 22 лица.