Уапсени 45 навивачи по финалето на ЕП! (ВИДЕО)

од Stefanija Kuzmanovska

Британската полиција соопшти дека уапсила 45 навивачи во немирите што избувнаа синоќа во Лондон по финалето на Европското првенство во фудбал меѓу Англија и Италија, во кое „азурите“ славеа по пенали, пренесе Ројтерс

– Бројни полицајци останаа на должност и по натпреварот, помагајќи им на навивачите да ги напуштат стадионот „Вембли“ и центарот на Лондон. Тука сме да ја зачуваме безбедноста на луѓето – објави градската полиција на Твитер.

Имаше инцидент во пресрет на финалето на Европското првенство, кога бројни навивачи од Италија и Англија се обидоа да се пробијат до трибините на стадионот без билети.

Не е јасно како некои навивачи успеаја да ја пробијат првата заштитна ограда, некои успеаја да стигнат до влезот на трибините, но таму ги пречекаа работници од обезбедувањето.

Имаше неколку повредени, а коњаничката единица на полицијата ги растера бунтовниците и им овозможи на навивачите, кои влегоа на стадионот со своите билети, во мир да го следат финалето.

Слични содржини