Уапсено лице под сомнение дека го инспирирало Кецмановиќ да го изврши масакрот во Врачар

Српската полиција уапсила лице кое наводно го инспирирало 13-годишниот Коста Кецмановиќ да го изврши масовното убиство во основното училиште „Владислав Рибникар“ во Белград, објави денеска српски „Курир“.

Од порталот се повикаа на „неофицијални сознанија“.

Во нападот што се случи минатата среда, седмоодделенецот на ОУ „Владислав Рибникар“ со истрели од пиштол уби осум ученици и чуварот, а ранил седум лица.