СОУ „Орде Чопела“ од Прилеп е едно од 5-те училишта на Македонија чиј проект е поддржан од Фондот за иновации и UPSHIFT. Ученикот од ова училиште Димитар Тасевски со своја иновација овозможил користење на сончеваа енергија за создавање на благопријатни услови за живот на животните во фармите и зголемување на нивниот принос.
„ Сончевата енергија преку колектори се складира во посебни батерии, а потоа со микроконтролери се добива саканата температура во просторијата со помош на вентилатори“.
Дел од проектот биле 7 ученици, ветеринарни техничари и од хемиската струка. На натпреварот учествувале 40 училишта, 10 биле одбрани да ги презентираат проектите онлајн, а само 5 биле финансиски поддржани. Ова е единствено училиште во Македонија каде се има инсталирано ваков систем.
Инаку обновливите извори на енергија полека започнуваат да се користат на оние фарми каде нема пристап на електрична енергија.