Светската антидопинг агенција (ВАДА) им забрани неколку руски спортисти да бидат во олимпискиот тим на игрите во Токио, бидејќи се осомничени за допинг.
Како што е соопштено, ВАДА мораше да интервенира и да спречи неколку руски спортисти да се натпреваруваат во Токио врз основа на доказите од лабораторијата во Москва, која беше затворена во 2015 година.
Базата на податоци и примероците од таа допинг лабораторија беа доставени во 2019 година, така што ВАДА подготви околу 300 потенцијални случаи за раководните тела на олимписките спортови.
„Не беше особено комплицирано. Не беше многу, но би рекол дека имаше неколку спортисти кои би биле на Олимпијадата, а ние можеме да ги наведеме нивните случаи како силни случаи, според базата на податоци. И никој од нив не е тука. Тие нема да се натпреваруваат “, рече генералната директорка на ВАДА, Оливија Нигли.
Поради казната за допинг, руските спортисти на Олимписките игри во Токио ќе се натпреваруваат под името „Руски олимписки комитет“, не смеат да го користат руското знаме, а во случај на освојување на златен медал, наместо да ја пеат химната, ќе биде пуштен дел од пијано концертот бр. 1 од композиторот Пјотр Илич Чајковски.
Исто така, натписот „Русија“ е забранет на нивната опрема.
Фото: Sputnik / Maksim Blinov