Европската фудбалска централа (УЕФА) ја казни Фудбалската федерација на Македонија (ФФМ) со 10.000 евра за кршење на ковид-протоколот за време на Европското првенство, објавија денес локалните медиуми.
Како што се наведува, УЕФА ја објави казната без да даде многу детали, истакнувајќи дека „имало лошо однесување и потенцијално кршење на кодот“.
Можно е казната да е изречена за фудбалерите кои шетаа низ каналите на Амстердам, иако сите репрезентации, според протоколите на УЕФА, морале да бидат во „балон“, но и дека имало ситуации кога изјави беа дадени на новинари, иако не беше дозволено.
УЕФА го водеше процесот против репрезентацијата на Северна Македонија, а не против конкретен фудбалер, па ФФМ треба да ја плати казната во рок од 90 дена, почнувајќи од 10 јули.
Во својот дебитантски настап на Европското првенство, репрезентацијата на С. Македонија одигра натпревари од групната фаза во Букурешт и Амстердам.