Европската куќа на фудбалот, УЕФА, објави дека британската влада дозволи да се пополнат 75 проценти од капацитетот на лондонскиот Вембли.
Ова се однесува на полуфиналето и финалето на Европското првенство во фудбал, кое потврди дека повеќе од 60.000 навивачи ќе бидат на трибините на Вембли.
Двата меча од полуфиналето ќе се играат на 6 и 7 јули, а финалето е на 11 јули и сите што сакаат да дојдат ќе мора да се придржуваат до строгите мерки за борба против коронавирусот.
„Одлична вест е дека толку многу навивачи ќе можат да присуствуваат и да дојдат на последните три натпревари на Евро 2020 на Вембли. Последните 18 месеци нè научија на теренот и надвор од него колку се важни за оваа игра “, изјави Александар Чеферин, шефот на УЕФА.
„Овој турнир беше светилник на надежта што може да ги убеди луѓето дека се враќаме на понормален начин на живот, иако ни претстои уште долг пат. Благодарен сум на премиерот и на Владата на Велика Британија за нивната напорна работа и завршувањето на овие договори со нас, така што заедно можеме да го направиме финалето на ЕП голем успех“, рече Чеферин.
Споменатите мерки за влезот за навивачите, значат дека секој ќе мора да направи негативен тест за коронавирус или доказ за вакцинација, при што втората доза е примена најмалку 14 дена пред натпреварот.