Новото засилување на Манчестер Јунајтед, Мануел Угарте ги сподели своите размислувања за навивачите на „црвените ѓаволи“.
„Навистина сум возбуден. Никогаш порано не сум видел нешто слично. Штом се појави веста за мојот трансфер, навивачите на Јунајтед почнаа да ми испраќаат пораки. Ги видов насекаде! Тоа беше голема вест во Уругвај и мислам дека овие навивачи, вистинските, лојални навивачи на Јунајтед, заслужуваат да го видат клубот да освојува трофеи и тоа е она што се надеваме дека ќе го постигнеме“, изјави Угарте, цитиран од официјалниот сајт на Манчестер Јунајтед.
23-годишниот Уругваец потпиша договор со Манчестер Јунајтед до летото 2029 година со опција за продолжување на уште една сезона.
Тимот моментално се наоѓа на 14. место во Премиер лигата со 3 бода од три кола.