Украина: Русите се фокусирани на освојување на Бахмут, ситуацијата е тешка

Украина денеска објави дека Русија ги насочила сите свои напори кон освојување на Бахмут, град во областа Доњецк на истокот на земјата, но изјави дека градот се уште се брани и покрај руската бројна надмоќ.

Од Украина ситуацијата ја опишуваат како „тешка“, пренесува „Ројтерс“.

Портпаролот на Источната воена команда на Украина, Серхиј Черевати, изјави дека Киев ја има под контрола ситуацијата во Бахмут и „ги разбира руските намери“.