33
Воздушната одбрана на Украина неутрализираше 439 дронови од различни видови и 39 ракети со кои Русија ја таргетираше земјата од синоќа, објави денес Командата на воздухопловните сили на вооружените сили на Украина.
Во соопштение објавено на Фејсбук се наведува дека од 20:00 часот на 4 октомври, Русија изврши комбиниран напад врз територијата на Украина користејќи ударни дронови, ракети од воздух, море и копно, пренесува Укринформ.
Во соопштението се додава дека во изминатите 24 часа, радиотехничките трупи на украинските воздухопловни сили откриле и следеле 549 возила за воздушен напад.