Украинскиот систем за пренос на гас GTSOU денеска објави дека ќе го прекине преносот на руски гас преку влезната точка Сохранивка, една од двете клучни точки за снабдување со руски гас во Европа.
И покрај руската инвазија која започна на 24 февруари, Украина останува важна транзитна рута за пренос на руски гас во Европа.
GTSOU објави дека не може да продолжи со работа на компресорската станица Новопсков поради „мешање на окупаторските сили во техничките процеси“. Според податоците на украинската компанија, протокот низ тој гасовод паднал на нула, а оваа информација ја потврди и „Блумберг“.
Russian gas stopped flowing through a key entry point in Ukraine, causing European natural gas prices to rise, as the war affects physical supplies to Europe for the first time
The latest news on Russia's invasion of Ukraine: https://t.co/m890Wc6VM4 pic.twitter.com/Noaa3ihamT
— Bloomberg (@business) May 11, 2022
Компресорската станица Новопсков во областа Луганск во источна Украина падна во рацете на Русија веднаш по почетокот на инвазијата. Тоа е првата компресорска станица во Луганск, транзитна рута за околу 32,6 милиони кубни метри гас дневно, што е една третина од рускиот гас што се транспортира во Европа преку Украина.
– За целосно исполнување на транзитните обврски кон европските партнери и во согласност со договорот, можно е привремено да се префрли недостапниот капацитет од физичката интерконективна точка Сохранивке до физичката интерконективна точка Судџу која се наоѓа на територијата контролирана од Украина – соопшти GTSOU.
Руски Гаспром реагираше веднаш, велејќи дека Украинците ги информирале за прекинот, велејќи дека е „технички невозможно“ да се префрлат сите текови на гас на друга транзитна точка.