Украинските сили пред неколку дена во успешен напад „збришаа“ цел руски воен конвој и притоа уништија значителен број артилериско оружје. Нападот се случил во регионот Запорожје на југоистокот на Украина, каде се водат тешки борби како дел од украинската контраофанзива.
На видеото на украинската армија може да се види како проектили паѓаат врз руски возила и оклопни возила кои едноставно немаат каде да се сокријат.
Нападот предизвика паника меѓу руските војници, многу возила се уништени или запалени, а на видеото се гледа како чад се издигнува кон небото. Украинските сили разнесоа руски тенк МТЛБ и околу шест камиони, од кои се чини дека секој носи артилериско оружје.
A Russian support column in the Zaporizhzia region was decimated by GMLRS. pic.twitter.com/H2F7R69qND
— NOELREPORTS 🇪🇺 🇺🇦 (@NOELreports) July 14, 2023
Корисникот на Твитер по име InRodWeTrustMTL напиша:
– Како што постојано истакнувам, Украина ја уништува руската артилерија, особено на јужниот фронт на Запорожје. Овде, Украина користи беспилотни летала за прилагодување на артилерискиот оган и тие уништуваат цел конвој руски камиони за снабдување со артилерија.
Оваа последна заседа доаѓа откако гувернерот на Запорожје Јуриј Маласка изјави дека имало 45 руски воздушни и артилериски напади меѓу петокот и саботата.