Кира Рудик, член на украинскиот парламент, пред само неколку дена се занимаваше со секојдневниот живот, одржувајќи состаноци и разговарајќи за законите дури и кога заканата од руска инвазија стана реална.
„И тогаш еден ден само знаете дека доаѓаат“, изјави Рудик за Си-Ен-Ен од главниот град на Украина, Киев. „И тогаш треба да направите нешто. А потоа добиваш пиштол и учиш да пукаш“.
Доцна во петокот, Рудик на Твитер објави фотографија на која држи калашников, со натпис: „Нашите жени ќе ја заштитат нашето тло на ист начин како и нашите мажи“.
I learn to use #Kalashnikov and prepare to bear arms. It sounds surreal as just a few days ago it would never come to my mind. Our #women will protect our soil the same way as our #men. Go #Ukraine! 🇺🇦 pic.twitter.com/UbF4JRGlcy
— Kira Rudik (@kiraincongress) February 25, 2022
„За мене беше чудно и лудо да сфатам дека држам оружје и дека сум подготвена да го носам, дека сум подготвена да одам и да пукам во други човечки суштества“, рече Рудик рано во саботата.
„Причината за оваа промена е затоа што руски војници доаѓаат во Киев, а руските војници се обидуваат да го земат она што навистина не е нивно“, изјави таа за Си-Ен-Ен.
Таа и нејзиното семејство сега се кријат во засолниште додека борбите продолжуваат да се интензивираат во Киев, а во градот се слушаат и гледаат експлозии уште од раните утрински часови.
„Путин ја потцени подготвеноста и духот на нашата армија и потцени дека им се дава навистина силен отпор на секој чекор на патот на неговите војници“, рече Рудик.
„Луѓето се вооружуваат. Луѓето се борат против нив за секоја педа од нашата почва. Не заминуваме затоа што ова е наш град. Ова е нашата земја“, заклучи таа.