179
Украинскиот претседател Володимир Зеленски ќе присуствува на самитот на Г7 во Хирошима, потврди денеска Олексеј Данилов, секретар на Украинскиот Совет за национална безбедност и одбрана.
„Таму ќе се решаваат многу важни работи и затоа присуството на нашиот претседател е од суштинско значење за одбраната на нашите интереси“, рече Данилов, пренесе „Ројтерс“.
Претходно беше најавено дека на самитот на Г7 главниот фокус на лидерите на земјите членки ќе биде на Украина, а се очекува САД и другите членки да презентираат нови санкции и мерки за контрола на извозот насочени против Русија поради војната во Украина.