Украински генерал: Русите се половично опколени во Бахмут, ќе го искористиме тоа

Украинските сили ги засилија напорите за ослободување на окупираниот град Бахмут и сега руските сили се „половично опколени“, изјави денеска командантот на украинските копнени сили.

„Во моментов, распоредувањето на руските сили наликува на лак концентриран во Бахмут. И тие се половично опкружени. Невозможно е да не се искористи тоа“, изјави генерал-полковник Олександр Сирски за Би-Би-Си.

Тој додаде дека преземањето на градот ќе има симболична и стратешка вредност.