Од 2019 година, шефот на обезбедувањето на Владимир Зеленски, Максим Донец, стои рамо до рамо со украинскиот претседател.
Донец беше со Зеленски дури и кога претседателот објавуваше видеа и слики од улиците на Киев во првите денови од инвазијата, а овие денови обично е облечен во униформа, со панцир на себе и пушка во раката.
Максим Донец го следеше претседателот на местото на руските злосторства, како што пренесе newsweek.com, во предградијата на Киев откако силите на Москва се повлекоа од северна Украина во пролетта 2022 година, и оттогаш е фотографиран со претседателот во борбени зони, вклучувајќи ги и Харков, Херсон и Бахмут.
Maksim Donets , #Zelensky's personal guard always with eyes open.💪🇺🇦 #Kherson #KhersonisUkraine #KhersonFree #Ukraine #UkrainianArmy #SlavaUkrainii pic.twitter.com/V2JuTk784w
— Feher_Junior (@Feher_Junior) November 14, 2022
Донец е вклучен и во безбедноста кога странските лидери доаѓаат во Украина. Борис Џонсон ја посети Украина во април 2022 година. По тој повод, тогашниот премиер на Велика Британија изразил желба да се прошета. Зеленски тогаш се обратил кон шефот на обезбедувањето и му кажал дека Џонсон би сакал да се прошета низ Киев на што Донец одговорил: „Па, нека г-дин Џонсон прошета“.
Јулија Мандел, поранешната прес-секретарка на Зеленски, рече дека Донец е целосно посветен на својата работа, дека е многу вреден и лојален на претседателот. Во текот на минатата година, Донец стана многу драг на жителите на Украина. На Тикток е отворен канал посветен на него и го следат повеќе од 286.000 луѓе.
Украинските медиуми објавија дека Донец има 44 години и по потекло е од Криви Рих, градот во кој пораснал Зеленски. Дипломирал на Економскиот институт Kryvyi Rih на Националниот економски универзитет Вадим Гетман.
🚨| El doble de Zelensky junto con el inservible otoñal de Joe Biden, se dejan ver en la visita que realizó a Ucrania. Todo un montaje teatral. ¿Qué opinas? pic.twitter.com/nGXHnXfBoo
— Eduardo Menoni (@eduardomenoni) February 25, 2023
Белорускиот весник „Наша Нива“ објави дека Донец има сопруга Наталија и син Матвеи. Донец претходно работел како телохранител на олигархот Игор Коломојски, чие богатство и медиумска империја му помогнаа на Зеленски да постигне неочекуван изборен успех во 2019 година.
Исто така, се известува дека Донец добива уште една диплома на Правниот факултет на Универзитетот во Киев, откако неодамна ја одбранил својата теза за административната одговорност на припадниците на безбедносните сили на државната администрација.