Украл куче, па при бегство го удрил сопственикот на миленикот со возило

57-годишник украл куче од 64-годишник во дојранско, стои во полицискиот билтен. Струмичката полиција информираше дека вчера во 20:00 часот бил уапсен 57-годишниот С.В од село Дабиле, струмичко на местото „Дојранска крстосница“.

При бегството, тој го удрил оштетениот со возилото.

Струмичанецот беше фатен еден час подоцна на „Дојранска крстосница“, каде било пронајдено одземеното куче, кое му било вратено на сопственикот.

Јавниот обвинител од ОЈО Гевгелија е информиран за настанот, а по документирање на случајот, полицијата ќе поднесе пријава против С.В.