Ушаков: Русија и САД водат дијалог за Украина врз основа на договорот од Енкориџ

Русија и САД разговараат за украинско решение врз основа на договорите постигнати во Енкориџ, потврди денес помошникот на рускиот претседател Владимир Путин за надворешна политика, Јуриј Ушаков.

„Ние (со САД) активно разговараме за украинско решение врз основа на договорите постигнати во Енкориџ. Веруваме дека ова е навистина добар пат кон постигнување мирно решение“, рече Ушаков, според новинската агенција РИА Новости.

Ушаков додаде дека властите во Киев, по средбата меѓу рускиот и американскиот претседател Владимир Путин и Доналд Трамп на 15 август во Алјаска, објавија дека не им се допаѓа фактот што лидерите на двете земји разговарале за ова прашање.