Украинецот Олександр Усик (22-0, 14 КО), шампионот на ВБА, ВБЦ и ВБО во тешка категорија, може да се пофали дека е само еден од тројцата (заедно со Наоја Инуе и Теренс Крафорд) кои во „ерата со четири појаси“ ги обединија сите релевантни титули во две тежински категории.
Тој уште во јули 2018 година го победи Русинот Мурат Газиев на стадионот Лужники во Москва за преостанатите титули во крузер категорија (90,718 кг), а својата блескава кариера ја круниса со победи над Британецот Тајсон Фјури – во мај минатата година и на крајот на декември.
Помеѓу тие две борби, тој се откажа од титулата на ИБФ, која сега е во рацете на 27-годишниот Даниел Дубоа (22-2, 21 КО), Британец кого веќе го победи во август 2023 година.
Дубоа ќе ги вкрсти ракавиците со Новозеланѓанецот Џозеф Паркер (35-3, 23 КО) во Ријад, а дуелот е закажан за сабота, 22 февруари.
„Ќе се борам со кој и да победи. Џозеф Паркер, Даниел Дубоа… Не е проблем“, рече 38-годишниот Усик во свој стил за „Скај Спортс“.
Бидејќи Усик е малку стар, јасно е дека веќе треба да размислува за крај на кариерата.
„Мислам дека ми остануваат уште две години, година и пол… Се чувствувам одлично. Чувствувам дека можам да се подготвувам само за уште два меча, не повеќе. Само два“, тажно повтори Украинецот.