261
Од УХМР информираат дека времето денеска ќе биде променливо облачно, претежно во планинските региони во западните делови и на крајниот исток со повремени локални врнежи од дожд.
Ќе дува слаб до умерен ветер од северозападен правец, поизразен долж Повардарието.
Минималните температури денеска ќе се движат во интервал од -1 до 7 Целзиусови степени, додека максималните ќе се искачат од 5 до 17 степени.
Во Скопје променливо облачно со услови за краткотраен дожд и со слаб до умерен ветер од северозападен правец.
Температурите во главниот град ќе се движат од минимални 5 до максимални 16 степени.
За утре УХМР прогнозира променливо облачно време со сончеви периоди.