Седум од осум обвинети за насилните протести пред Собранието за францускиот прелдог, признаа вина пред Кривичниот суд.
Дел од нив посочија дека се каат за тоа што се случува.
На седумтемина кои признаа вина судот им изрече условни двегодишни затворски казни, доколку во следните четири години сторат кривично дело. Тројца од обвинетите се средношколци на 18-годишна возраст.
Тие беа обвинети за учество во толпа и за фрлање со бекатон и камења кон собраниската зграда и полицајците во кордоните. Собранието пријавило штета од околу 9.200 евра, која ќе треба да ја платат осудените.
Инцидентите се случија на 5 јули, за време на протестите пред Собранието, кога во еден момент ситуацијата ескалираше и демонстрантите почнаа да фрлаат со бекатон плочки, шишиња и сѐ што ќе им се најдеше при рака, и кон полицијата, но и кон собраниската зграда во центарот на Скопје.
Притоа, од полицијата информираа дека се оштетени полициски возила и се демолирани двете полициски куќарки пред Собранието. Штети беа предизвикани и на собраниската врата, искршени беа бројни прозорци од законодавниот дом и беа откорнати бекатон плочки од патеката пред парламентот. Десетици полицајци се жалеа на повреди за време на протестите.